ballbet体育-＂龙门＂又卖惨 黄丝唔受凼

●"龙门"过去一直都被指食"人血馒头"、呃"手足"，唔少黄丝都对佢非常反感，今次话要执笠都仲系劣评如潮，真系可见"龙门"到底有几咁乞人憎。 资料图片

称尖咀店告急图催谷生意 "人血张"疑故伎重施惹劣评

"黄色经济圈"头号丑闻缠身嘅黄店龙门冰室日前出post，继宣布铜锣湾分店捱唔住后，再声称尖沙咀分店有机会喺4月1号执埋。见过鬼仲唔怕黑？简单一条可能执笠嘅消息又引来黄圈嘅强烈质疑，唔少人怀疑龙门老板张俊杰系咪藉愚人节同大家玩嘢呃生意。为咗证明自己嘅清白，张生不如趁住今次机会宣布全线结业，唔好等啲黄丝成日以为你呃佢哋钱喇。

话说人血龙门老细张俊杰日前就喺fb出post，话自己一直"清者自清"，但生意因为"谣言"影响而每况愈下，仲卖惨"我承认我系喺运动中最失败的生意人，直至宜（）家不但冇车冇楼银行冇钱，甚至连一班伙记（伙计）生计都可能维持唔到。"最后，佢仲懒煽情咁话自己永远会记得同班黄丝行过呢一段路，希望黄丝们会记得"龙门"改好咗嘅味道。

预告愚人节摺埋 网民质疑吹水

但张生呢啲招数实在用得太多，好多黄丝都免疫咗。网民"迷上拿卡的本领"就质疑："点解7日后先执笠，杰哥咁早就要出嚟讲？计返条数，7日后正正系4月1号（愚人节），根本系张俊杰哥趁愚人节同大家开个玩笑姐（啫），大家千祈唔洗（使）伤心，亦都唔洗（使）特登帮衬，7日后自然会证明一切。"

"Joe Wong"就喺fb群组"伦敦人西过渡手记2.0"留言猜测："『聋瞒』剧本会唔会系咁呢？被『港共政府』加『角（国）安法』逼（迫）到执达史（吏）上门收铺，然后移民走路继续以『手足』名义呃人呢？""Bruce Lee"就话："笑死，『龙门』果然卖完饭券转头执笠，你叫课咗金嘅『聋粉』情何以堪呢？""龙门"经常喺fb宣传自己派饭券畀班"手足"，仲以"饭券"名义收收埋埋咁多钱，难怪畀人质疑佢今次系咪cap完水就准备走佬啦。

过气网红闹爆黄艺人盲撑

不过，就算面临众多质疑，张生依然有死忠粉嘅。日前，佢就出post话感谢艺人梁祖尧去佢嘅尖沙咀店帮手。梁祖尧都全力配合，落手落脚撑场都唔够，仲要喺facebook发帖宣传，"我知道以前关于龙门冰室都有好多风波，但系无论如何我会选择相信，龙门冰室同埋张先生系与香港人同行的。希望大家会继续支持，好让龙门冰室渡过呢一个难关！"

虽然佢哋深情戏演得咁卖力，但黄丝好似就唔buy，啲人唔只闹爆张生，仲烧埋梁祖尧！"初代网红"邵子风噚日就专登开post闹爆，直接闹："边个撑龙门，都系傻仔！……做什么一日店长帮人宣传！"佢仲揶揄："老板真黄假黄，佢自己心知肚明！我起底起到清清楚楚！你演技叻到呃晒咁多真（具）实力演技派演员！你真系好嘢！"

"龙门"过去一直都被指食"人血馒头"、呃"手足"、"扮黄"，唔少黄丝都对佢非常反感，今次话要执笠都仲系劣评如潮，真系可见"龙门"到底有几咁乞人憎，黄丝口中嘅"黄色经济圈"只系一个笑话。

来源：文汇报